ҰҒЗТО ұжымы Әбілхан Қастеев атындағы Мемлекеттік өнер мұражайына экскурсия жасады
23.12.24
2024 жылдың 19 желтоқсаны күні «Ұлттық ғарыштық зерттеулер және технологиялар орталығы» (ҰҒЗТО) ұжымы Әбілхан Қастеев атындағы Мемлекеттік өнер мұражайына барып қайтты. Бұл іс-шара барлық қатысушылар үшін ұмытылмас оқиғаға айналды.
ҰҒЗТО қызметкерлері мұражайдың экспозицияларымен танысты, олар Қазақстан суретшілерінің классикалық шығармаларын ғана емес, сонымен қатар заманауи авторлардың туындыларымен де танысты. Ерекше назарға Әбілхан Қастеев, С.А. Айтбаев, Н. Сулейменов, Ш. Ниязбеков және басқа да көрнекті шеберлердің шығармалары ілікті. Экспонаттар арасында Қазақстан өнерінің даму кезеңдерін бейнелейтін бірегей артефактылар да болды, бұл Қазақстан тарихына жаңа көзқараспен қарауға мүмкіндік берді.
Экскурсия барысында қатысушылар өнер туындыларының жасалу контекстін тереңірек түсінді, экскурсоводтың (саяхат жетекшісі) қызықты әрі кәсіби әңгімесі арқылы әр шығарманың маңызын егжей-тегжейлі түсіндіріп, экспонаттардың мәдени және тарихи құндылығын атап өтті.
Экскурсия барысында қызметкерлер өнердің бейнелеу образдары мен ғылыми-технологиялық тақырыптардың өзара байланысын талқылап, шығармашылыққа ерекше көзқарас қалыптастырды.
Экскурсия позитивті нотамен аяқталды — естелік ретінде ұжымдық фотололар түсірілді, бұл әсерлі күнді мәңгілікке есте сақтауға мүмкіндік берді. Мұражайға бару Қазақстанның мәдени мұрасымен тереңірек танысуға және шығармашылық энергиямен қуат алуға мүмкіндік берді. Сонымен қатар, қызметкерлер мұндай іс-шаралардың ұйымдастырылуы, рухты нығайту және жұмыста жалпы ынталандыру үшін маңыздылығын атап өтті. Бұл оқиға мәдениет пен өнердің кәсіби және жеке жетілуге ықпал етіп, шабыт көзіне айнала алатындығын айқын көрсетті.
