ҒҒЗТК Балқаш көлінің экожүйесін сақтаудың Бас жоспарын әзірлеу бойынша семинарға қатысты.
6.05.25
«Ұлттық ғарыштық зерттеулер мен технологиялар орталығы» АҚ мамандары (ҒҒЗТК), Басқарма төрағасының кеңесшісі Р.С. Бұралхиев. және ғарыштық мониторинг зертханасының меңгерушісі Бекмұхамедов Н.Е., Балқаш көлінің экожүйесін сақтаудың Бас жоспарын әзірлеуге арналған екі күндік семинарға қатысты. Шара Алматыда Қазақстан Республикасы Су ресурстары және ирригация министрлігі мен «Қазақмыс корпорациясы» ЖШС қолдауымен өтті.
Семинар барысында Іле-Балқаш бассейнінің бірегей су экожүйесін сақтау мен қалпына келтірудің негізгі бағыттары талқыланды. ҒҒЗТК мамандары Жерді қашықтықтан зондтау технологияларын және көлдің жағдайын жедел бағалау, су ресурстарындағы өзгерістерді талдау және антропогендік әсерді анықтау үшін спутниктік мониторингті қолдану тәсілдерін ұсынды.
ҒҒЗТК ұсынған шешімдер көлдің және қоршаған табиғи ортаның ағымдағы жай-күйін бағалаудың дәлдігі мен тиімділігін арттыруға мүмкіндік беретін Бас жоспар аясында әзірленген сандық платформаға ғарыштық мониторинг деректерін біріктіруді көздейді.
ҒҒЗТК жобаға қатысуы суды тұрақты пайдалану және қоршаған ортаны қорғау іс-шараларына заманауи ғылыми-технологиялық құралдарды енгізудің маңыздылығын көрсетеді. Орталық Балқаш көлінің экожүйесін қорғау мүддесінде ғылыми-техникалық шешімдерді одан әрі әзірлеу бойынша сарапшылық топ құрамындағы жұмысын жалғастыруға ниетті.
