Зияткерлік меншік және ғылым: «Ұлттық ғарыштық зерттеулер және технологиялар орталығы» АҚ-да лекция өтті
13.03.25
«Ұлттық ғарыштық зерттеулер және технологиялар орталығы» АҚ патенттеу және зияткерлік меншікті қорғау мәселелеріне арналған «Қазақстан Республикасындағы өнертабыстар мен пайдалы модельдерді қорғау» атты тақырыптық дәріс өткізді. Іс-шараның спикері Республикалық ғылыми-техникалық кітапхананың патенттік-ақпараттық орталығының бас патент маманы Азанова Т.А.
Ғылым мен техниканың қарқынды дамуы жағдайында зияткерлік меншікті қорғау стратегиялық мәнге ие болады. Дәріс Қазақстандағы патенттендірудің негізгі кезеңдерін, өтінім беру талаптары мен патентке қабілеттілік критерийлерін, өнертабыстар мен пайдалы модельдерді құқықтық қорғау әдістерін, авторлар мен патент иелерінің құқықтарын қорғау механизмдерін, сондай-ақ ғылыми-зерттеу қызметінде патенттік заңнаманы тәжірибеде қолдануды қамтитын кең ауқымды тақырыптарды қамтыды. Зияткерлік меншікті коммерцияландыру мүмкіндіктеріне және патенттік портфельді басқарудың стратегиялық тәсілдеріне ерекше назар аударылды.
Іс-шара ашық диалог форматында өтті, бұл қатысушыларға өздерін қызықтыратын мәселелерді белсенді талқылауға мүмкіндік берді. Сарапшылар нақты патенттеу істерін қарастырып, күрделі құқықтық жағдайларды талдап, өз қызметінде патенттік заңнаманы тиімді пайдалану бойынша ұсыныстар алды.
«Ұлттық ғарыштық зерттеулер және технологиялар орталығы» АҚ инновациялық қызметті құқықтық қамтамасыз ету, патенттік мәдениетті дамытуға және ғылыми зерттеулер нәтижелерін тиімді басқаруға бағытталған білім беру және кеңес беру іс-шараларын ұйымдастыру бағдарламасын іске асыруды жалғастыруда.
