NCSRT материалтану және инженерия бойынша 14-ші жаһандық конференцияда баяндама жасады
24.10.25
Ұлттық ғарыштық зерттеулер және технологиялар орталығының (NCSRT) жылу оқшаулағыш материалдар зертханасының меңгерушісі, философия докторы М.Н. Мейрбеков Солтүстік-Батыс политехникалық университеті ұйымдастырған 14-ші материалтану және инженерия бойынша жаһандық конференцияда (CMSE 2025) «Жылу оқшаулағыш материалдар өндірісі технологиясын зерттеу» атты баяндама жасады.
Конференция 2025 жылдың 16-19 қазаны аралығында Қытайдың Шэньси провинциясының Сиань қаласында өтті. Бағдарламаға пленарлық және шақырылған баяндамалар, сондай-ақ ауызша және постерлік сессиялар кірді.
CMSE — жыл сайын көптеген елдердің жетекші ғалымдарын, инженерлерін және сала өкілдерін біріктіретін материалтану және инженерия саласындағы жаңа нәтижелерді ұсынуға арналған халықаралық платформа. Конференцияға Қытай, Қазақстан, Ұлыбритания, Германия, Португалия, Италия, Швеция, Ирландия, Түркия, Жапония, Корея Республикасы және басқа да 20-дан астам елдің зерттеушілері қатысты.
NCSRT өкілінің баяндамасы қазақстандық ғылыми мектептің жаһандық материалтану және инженерия күн тәртібіне қосқан маңызды үлесі болды, халықаралық байланыстарды нығайтты және бірлескен зерттеулер үшін жаңа мүмкіндіктер ашты.
